Президент Садыр Жапаров кол койгон Жарлыкка ылайык Равшанбек Сабиров мурда жүктөлгөн милдетин аткаруудан бошотулуп, Эмгек, социалдык камсыздоо жана миграция министри болуп дайындалды.
- Равшан Сабиров 54 жашта. 2010-2011-жылы Жогорку Кеңештин депутаты болгон.
- 2011-2012-жылдары социалдык өнүктүрүү министри кызматын ээлеген. 2012-жылы июлда ал пара опузалоого шектелип кармалып, кызматтан алынган.
- 2020-жылы 12-октябрда вице-премьер-министр кызматына дайындалган. 2021-жылы февралда президенттин кеңешчиси болгон. Ошол эле жылы Жогорку сот ага чыгарылган өкүмдү жокко чыгарган.
- 2021-жылы декабрда Жогорку Кеңешке депутат болуп шайланып келген.
- 2022-жылы мартта Инвестициялар боюнча улуттук агенттиктин директору кызматына дайындалган. Ошол эле жылы сентябрда арыз жазып, кызматтан кеткен.
