Агартуу министрлиги 2025 – 2026-окуу жылына балдарды жалпы билим берүү уюмдарынын 1 – 2-класстарына электрондук каттоонун экинчи этабы улантылып жатканын билдирди.
Ведомствонун маалыматына ылайык, 2025-жылдын 3-июнуна саат 17:30га карата 132 021 бала катталды.
Республика боюнча бош орундар – 157 751, экинчи этапта жалпы 19 501 бала катталды, анын ичинен 2-июнга карата – 14 876 бала, 3-июнга карата – 4 625 бала катталды.
Өтүнмөнү https://1mektep.edu.gov.kg порталы жана «Түндүк», МБанк, Мой О!+Банк, MegaPay уюлдук тиркемелери аркылуу берүүгө болот.
Экинчи тур 2025-жылдын 15-августунда аяктайт.
