Лавров Россиянын Кыргызстандагы базасын Афганистандагы кырдаалды жөнгө салуу үчүн АКШга колдонууга сунуштаганы жалган экенин айтты. Бул тууралуу Россиянын ТИМ башчысы Сергей Лавров «Интерфакс» агенттигине берген маегинде билдиргенин Россиянын Кыргызстандагы элчилиги кабарлады.
Маалыматка ылайык, буга чейин орусиялык “КоммерсантЪ” аталышындагы гезит, Владимир Путин Женевадагы саммитте Жозеф Байденге Афганистандагы кырдаалды жөнгө салуу үчүн Кыргызстан менен Тажикстандагы базаларды колдонууну сунуштаганын жазган.
Ал эми Лавров буга карай “Интерфакс” агенттигине: «ЖККУнун жамааттык аракет көрүүчү күчтөрүнүн курамына кирген базага америкалыктарды кантип чакыра алабыз? Союздаштарыбызга маалымат бербей, кеңешпей туруп чечим кабыл ала албайбыз», — деп түшүндүрмө берген.
