Кыргыз Республикасынын президентинин администрациясынын тышкы саясат бөлүмүнүн башчысы болуп Кулубаев Жээнбек Молдоканович дайындалды. Ал эми мурдагы башчысы Дастан Дюшекеев Кыргызстандын Казакстандагы элчиси болуп ротацияланды.
Бул тууралуу президенттин администрациясынан кабарлашты.
Маалыматка ылайык, тиешелүү буйрукка Президент Садыр Жапаров бүгүн, 9-августта кол койгон.
Кулубаев Жээнбек Молдоканович — 58 жашта, Ысык-Көлдүн Чырпыкты айылынан.
Кыргыз Республикасынын Казакстандагы атайын жана ыйгарым укуктуу өкүлү болуп иштеп жаткан. Ага чейин Кытай жана Монголиядагы элчиликти аркалаган.