20-апрелде Кыргыз Республикасынын эл артисти, искусство таануу илимдеринин доктору, профессор Роза Аманованы Мажарстандын «Ак эмгеги үчүн» (Hungarian Order of Merit) орденинин Рыцардык крести менен сыйлоо аземи болуп өттү.
Иш-чарага мамлекеттик жана маданий ишмерлер катышып, кыргыз-мажар маданий кызматташтыгынын өнүгүшү белгиленди. Аманованын илимий жана чыгармачылык салымы жогору бааланып, бул сыйлык эки элдин достугунун жана өз ара урмат-сыйынын белгиси экени айтылды.
Белгилей кетсек, Роза Аманова буга чейин да кыргыз салттуу музыкасын чет өлкөлөрдө даңазалап, бир катар эл аралык сыйлыктардын ээси болгон.
