Депутат Рыскелди Момбеков менен анын жансакчысы жол талашкан таксистти сабап салышты. Бул тууралуу 24.kg агенттигине өздүк булактар билдиришкен.
Алдын ала маалыматтарга ылайык, жаңжал депутат менен таксисттин жол талашынан улам келип чыккан. Ал эми Биринчи май РИИБи бул маалыматты такстыктады.
Белгилүү болгондой, кечээ, 3-сентябрда саат 16:50дө Чүй проспектиси менен Тоголок Молдо көчөлөрүнүн кесилишинде айдоочулардын урушуп жатышкандары тууралуу маалымат түшкөн.
“Окуя болгон жайдан таксистти Биринчи май райондук патрулдук кызматына жеткиришкен. Ал жактан ал денесине залал келтирген Рыскелди Момбеков менен анын жансакчысынын үстүнөн арыз жазып, аларга карата чара көрүүнү өтүнгөн. Факт Кылмыштардын жана жоруктардын бирдиктүү реестрине “Майда бейбаштык” беренеси менен катталып, алган жаракатын аныктоо үчүн арыз ээсине соттук-медициналык экспертиза дайындалды”, — деп берилет маалыматта.
