Сүлүктү шаарындагы «Южный 3» шахтасында урандынын астында калган 2 жаран куткарылды. Бул тууралуу ӨКМден билдиришти.
Кырсык тууралуу маалымат шахтанын кызматкерлери тарабынан 7-январда саат 19:49да түшкөн. Жалпысынан 18 куткаруучу тартылган.
Куткаруучулардын күжүрмөн даярдыгы жана ыкчам аракети менен кырсык катталган убакыттан жарым саат өтпөй 1992-жылы туулган И.Х.ны, андан кийин дагы жарым саат аралыгында 1976-жылы туулган И.М аттуу жарандар аман-эсен куткарып, “Тез жардам” кызматына өткөрүп беришкен.
Белгиленгендей, издеп-куткаруу иштери көмүр шахтанын 140 метр тереңдигинде жүргүзүлгөн.
