Садык Шер-Нияз бүгүн, 30-ноябрда Садыр Жапаров менен жолугушуп, бир пикирге келишти. Бул тууралуу ал өзү Facebook социалдык тармагы аркылуу билдирүү жасады.
Анын айтымында, Садыр Жапаров маданият, билим, реформа, курултай ж.б. маселелерди чечүүсүнө көзү жеткендиги үчүн президенттик шайлоого баруудан баш тарткан. Ошондой эле маданият тармагында, коомдук иштерде бирге иш алып барышат.
«9да башталган 30да бүткөн саясатка саякат ушуну менен токтоду. Мен коомдук маданиятка кайттым. Менин бул чечимимди Өмүрбек Текебаев Чиркешович туура түшүнөт деген ойдомун», — дейт ал.