Бишкекте Садыр Жапаров «Барселонанын» жылдыздарына каршы беттеште ойнойт. Бул тууралуу президенттин маалымат кызматынын башчысы Дайырбек Орунбеков билдирди.
“30-августта Дөлөн Өмүрзаков атындагы стадиондо кечки саат 19:00дө «Барселона» футболдук клубунун ардагерлери менен Орто Азиянын футбол ардагерлеринин ортосунда беттеш өтөт.
Барселона футболдук командасында белгилүү футболчулар Роналдиньо, Ривалдо, Карлес Пуйоль жана башка атактуу футболчулар бар.
Орто Азия командасынын курамында Мамлекет башчыбыз Садыр Жапаров да ойнойт”,-деп берилет маалыматта
