Президент Садыр Жапаров менен Түркмөнстандын Халк Маслахатынын төрагасы Гурбангулы Бердымухамедовго Ысык-Көл районунун Бактуу-Долоноту айылындагы ипподромдо кыргыздын улуттук ат оюндары – «Жорго салыш» жана «Көк бөрү» тартууланды.
Ипподромдун кире беришинде кадырлуу конокторду төкмө акындар тосуп алышты. Андан соң делегация «Кыргыз айылы» этнокомплекси менен таанышып чыкты, мында кыргыз элинин салттуу жашоосунун элементтери – боз үйлөр, элдик кол өнөрчүлүк, улуттук тамак-аш жана кийимдер көрсөтүлдү.
Меймандарга «Салбуурун» салттуу мергенчилик өнөрүнүн алкагында алгыр куштар жана тайгандар менен аңчылыктын элементтери тааныштырылды.
Маданий программанын соңунда президент Ардактуу конокту «Ысык-Көл» эл аралык аэропортуна узатты.
