Президент Садыр Жапаров менен Министрлер кабинетинин төрагасынын орун басары, УКМК төрагасы Камчыбек Ташиевдин Каркыра жайлоосунда эс алууда жүргөн сүрөттөрү жарыяланды.
Карагайлуу кооз жашыл шиберде эс алууда жүргөн сүрөттөрдү Камчыбек Ташиев өзүнүн Фейсбуктагы расмий баракчасы аркылуу коомчулукка «Каркыра жайлоосу. 23.07.2022» деп жарыялаган.
Бүгүн, 23-июлда, Ысык-Көл облусунун Түп районундагы Каркыра жайлоосунда Президент Садыр Жапаровдун катышуусунда чыгаан жазуучу, коомдук ишмер, Кыргыз Республикасынын Баатыры Түгөлбай Сыдыкбековдун 110 жылдыгынын жана Кыргыз ССРинин эл артисти Советбек Жумадыловдун 90 жылдыгынын урматына арналган салтанаттуу иш-чара болуп өттү.
