Бүгүн Бишкекте президент Садыр Жапаровдун катышуусунда футзал боюнча «Мурас» салттуу достук мелдеши башталды.
Турнирге ар тармактардын өкүлдөрүнөн түзүлгөн командалар катышууда. Достук мелдеши «Газпром» спорт комплексинде өтүп жатат.
Маалыматка ылайык, быйыл 16 команда катышууда: Алар: «Президенттин командасы», «Жогорку Кеңеш», «Көзөмөл», «Аймактар», «Ден-соолук», «Коопсуздук», «Фемида», «Спорт чеберлери», «Журналистер», «Өнөр», «Билим», «Достук», «Динамо», «Ыйман», «Банктар жана бизнес», «Ноокат».
Бул ирет республикалык масштабда ойнотулган «Мурас-Аймак» мелдешинин жеңүүчүсү Оштун «Ноокат» командасы «Мурас» турнирине жолдомо алып кошулду.
