Саламаттык сактоо министрлиги менен Дүйнөлүк саламаттык сактоо уюму (ДССУ) 2024-2030-жылдарга 7 жылдык кызматташуу стратегиясына кол коюшту. Бул тууралуу аталган министрликтен билдиришти.
“Бүгүн маанилүү окуя болуп өттү: Саламаттык сактоо министрлиги менен ДССУ 2030-жылга чейинки биринчи 7 жылдык өлкөлүк кызматташуу стратегиясына кол коюшту. Кол коюу аземине ДССУнун Европа регионалдык бюросунун директору д-р Hans Henri P. Kluge, ДССУнун Кыргызстандагы өкүлү д-р Ливиу Ведраско жана Саламаттык сактоо министри Алымкадыр Бейшеналиев катышты. Салтанаттын жүрүшүндө жаңы стратегиянын артыкчылыктары, саламаттык сактоо тармагындагы Кыргызстандын акыркы жетишкендиктери жана ДССУ менен Кыргызстандын ортосундагы кызматташтыкты бекемдөө боюнча мындан аркы кадамдар талкууланды” – деп айтылат маалыматта.
Жаңы стратегия үч стратегиялык багытты жана жети артыкчылыктуу тармакты өзүнө камтыйт.
