Базарбаев Нурдөөлөт Сатыбекович Саламаттыкты сактоо жана социалдык өнүктүрүү министринин орун басары болуп дайындалды. Тиешелүү буйрукка премьер-министр Улукбек Марипов кол койду.
Буга чейин, Нурдөөлөт Базарбаев социалдык камсыздоо департаментинин директору кызматын аркалап келген.
Базарбаев Нурдөөлөт Сатыбекович 1968-жылы 28-октябрда Токтогул районунун Сары -Камыш айылында төрөлгөн. 5 баланын атасы.
Жогорку билимдүү, Улуттук Университтин юридика факультетин 2001-жылы аяктаган.
Эмгек жолу:
- 1987-1994 — Фрунзе атындагы заводдо, мамлекеттик басмаканада эмгектенген;
- 1994-2001 — КГНУнун окуу бөлүмүндө адис;
- 2001-2007 — жеке ишкер;
- 2007-2008 — «Бишкек Консалтинг» ЖЧКсында юрист;
- 2008-2010 — «Soap Corporation» ЖЧКсында юрист;
- 2010-2014 — Социалдык өнүгүү министрлигинин Социалдык камсыздоо департаментинин социалдык тейлөө бөлүмүнүн башчысы;
- 2014-2021 — Эмгек жана социалдык өнүгүү министрлигинин Социалдык камсыздоо департаментинин директору;
- 2021-жылдын 24-марттында КР Саламаттык сактоо жана социалдык өнүгүү министринин орун басары болуп дайындалды.