Жүргүнчүлөрдү ташуу кызматынын сапатын жогорулатуу жана орусиялык жарандар үчүн кошумча жумуш орундарын түзүү максатында Санкт-Петербургда патенттин негизинде иштеген чет элдик жарандарга 2025-жылдын аягына чейин таксиде жана айдоочулук багыты боюнча иштөөгө тыюу салынат. Мыйзамга Санкт-Петербургдун губернатору Александр Беглов кол койду. Бул тууралуу орусиялык басылмалар жазды.
Чет өлкөлүктөрдү патент менен иштеткен компаниялар жана унаа бөлүштүрүү кызматтары үч айдын ичинде алар менен эмгек мамилелерин токтотуп, жаңы жумушчуларды алууга тийиш.
