Муфтият алдындагы Илимий-изилдөө институтунун директору, PhD-доктор Шүкүр Исмаилов: Дин тутуу эркиндиги жана дин уюмдары жөнүндөгү мыйзамга жаңы толуктоо-кошумчалар даярдалды, алар жакында Жогорку кеңешке сунушталат. Кошулуп жаткан жаңы беренелердин эң башкысы – борбордук башкаруу органы деген түшүнүк кирип жатат, ал – Муфтият болот. Буга чейин баардык диний уюмдар өз алдынча, башаламан аракеттене берчү.
Айрымдар Пакистан же Иордания сыяктуу мамлекеттердеги диний мектептерден окуп келип, Кыргызстанда өз уюмдарын түзүп иштей берчү, Муфтият аларды тартипке чакырса, алар – Муфтият деле коомдук уюм, биздики деле ошондой эле укуктагы коомдук уюм деп, Дин башкармалыгына баш ийчү эмес жана натыйжада биз илгертен калыптанып келген диний иденттүүлүгүбүздү жоготуп алдык. Аны менен катар үймө-үй кыдырып, даават кылуу дагы чектелет, анткени башка, заманбап ыкмаларга өтүш керек…
