Президенти Садыр Жапаров өлкөнүн Коопсуздук кеңешинин жыйынында КРнын министрлер кабинетине тапшырма берди.

«Мен, мамлекеттик органдардын жетекчилеринин Жогорку Кеңешинин депутаттыгына шайлоо өткөрүү боюнча көрүлүп жаткан чаралар жөнүндө баяндамаларын кунт коюп угуп чыктым.

Жалпысынан иш жетиштүү уюштуруучулук деңгээлде жүргүзүлүп жаткандыгын белгилейм.

Ошол эле учурда,  ишке тартылган бардык мамлекеттик органдардын жетекчилери бул багыттагы өз иштерин күчөтүп,  шайлоо жогорку деңгээлде өтүшү үчүн бардык чараларды көрүшү керек.

• 2021-жылдын 28-ноябрында КРнын Жогорку Кеңешинин депутаттарын шайлоону эркин, таза жана ачык-айкын өткөрүүнү камсыз кылуу боюнча чаралар жөнүндө» жарлыктарынын ишке ашырылышы камсыз кылынсын;
• Жогорку Кеңешинин депутаттарын шайлоо күнү жарандардын жана шайлоо процессинин катышуучуларынын шайлоо участкаларына баруу учурунда коронавирустук инфекциясын жугузуп алуу учурларын болтурбоо боюнча толук чаралар көрүлсүн;
• Шайлоо жана шайлоодон кийинки мезгилде КРнын аймагында талаптагыдай эпидемиологиялык көзөмөл жана санитардык-эпидемиологиялык талаптардын сакталышы камсыз кылынсын»,-деди өлкө башчы.