Бүгүн, 6-сентябрда парламенттин жыйынында матчество боюнча туура эмес чечим кабыл алган Конституциялык соттун төрагасы баш болгон жалпы курамы толугу менен жумуштан кетиши керектигин спикер Нурланбек Шакиев билдирди.
“Элибизде чоң резонанс жаратты! Бул абдан уят иш. Кыргызга мындай кыянатчылык кылган, элдин наалатына калган, келечекке балта чапкан мындай осол иш болбошу керек болчу. Андыктан, айла жок ошол чечимди оңдош үчүн ушундай маселелер кирип жатат. Бул жат көрүнүш. Мен Конституциялык соттун төрагасы баш болгон курамын кызматтан кетишин талап кылам”, — деди Шакиев.
Депутаттар бул маселенин бүгүнкү күн тартибинде каралышын толук колдоп берди.
