Ошто уурулукка шектелип, 37 жаштагы жаран кармалды. Ал мурда 5 жолу ушундай кылмыштары үчүн соттолуп чыккан. Бул тууралуу Ош ШИИБдин басма сөз кызматы билдирди.
Маалыматка ылайык, шектүү 1985-жылы туулган, Баткен облусунун Кызыл-Кыя шаарынын тургуну. Ош шаарына убактылуу келип, ар кайсы даректерде жашап турган. Ал Ош шаарындагы №125 каттамдагы коомдук транспортто бара жаткан 20 жаштагы жабырлануучу кызга таандык болгон “Айфон 13 про мах” үлгүсүндөгү кол телефонун транспорттогу тыгындан пайдаланып уурдап алган.
Телефонду сатып үлгүрбөй калган учурда кармалып, убактылуу кармоочу жайга киргизилди.
Учурда тергөө иштери уланууда.
