Сокулук айыл аймагынын Сары-Өзөн айыл округунун жергиликтүү кеңештин төрагасы адам уурдоо, кыйноого жана мыйзамсыз курал-жарак сатууга шектелип кармалды. Бул тууралуу Чүй ОИИБден билдирди.
Милицияга Д.А аттуу жаран анын мурунку күйөөсү үйүнөн алып кетип, аны Сокулук айылынын сыртына алып чыгып, денесине залал келтиргендиги тууралуу арыз менен кайрылган.
Ушундай эле арыз менен дагы бир жаран Д.М.га карата чара көрүү жөнүндө, ал дагы анын денесине залал келтиргендиги тууралуу арыз менен кайрылган.
Бул факты Сокулук РИИБге катталып, «Кыйноо» жана «Адам уурдоо» беренелери боюнча кылмыш иштери козголду.
Иликтөө иштеринин жүрүшүндө шектүүнүн жашаган жери аныкталып, ал Сокулук айылынын Сары-Өзөн айыл округунун жергиликтүү кеңешинин төрагасы 1987-жылы туулган жаран экендиги аныкталып, убактылуу кармоочу жайына киргизилген.
Учурда кылмыш иши боюнча соттук-медициналык экспертизалар дайындалып, тергөө иштери уланууда.
