Өзбекстанда «Indenim» соода борборундагы жарылуудан 65 үй зыянга учураган. Бул тууралуу Сурхандарыя облусунун башчысы Тура Боболов кабарлады.
Маалыматка ылайык, Денау шаарындагы жарылуунун кесепетинен алты үй жашоого мүмкүн болбой калган. Ал зыянга учураган үй ээлерине бийлик жардам берээрин билдирди.
Алдын ала маалыматтар боюнча имаратта газ приборлорунун узак мөөнөткө иштешинен жана ысып кетишинен жарылуу болгон.
Белгилей кетсек, буга чейин жарылуу 7-декабрга караган түнү болуп, эки киши каза болуп, тогузу жаракат алган.