Ош шаарындагы Б.Сыдыков атындагы Кыргыз-Өзбек Эл аралык университетинин (КУМУ) финансы-экономика факультетинин деканы мамлекеттик экзамендерди тапшырууда студенттерден системалуу түрдө опузалап акча талап кылган. Бул тууралуу УКМК билдирет.
Бул факультеттин деканы Ш.Ш.О. коррупциялык схемага тиешеси бар экендиги аныкталып, ал эки суткага убактылуу кармоочу жайына камакка алынды.
Буга чейин «опузалап пара талап кылуу» беренеси менен Кыргыз-Өзбек Эл аралык университетинин гуманитардык-педагогикалык факультетинин деканы жана декандын орун басары кармалган.
УКМК өлкөнүн жогорку окуу жайларында коррупциялык көрүнүштөрдүн орун алышына жол берилбестигин эскертет жана жарандарды бардык коррупциялык фактылар жөнүндө билдирүүгө чакырат.
