Чек ара маселесин карап жаткан Жогорку Кеңештин комитетинин жыйыны бардык каалоочулар үчүн ачык өтүүдө. Бул тууралуу президенттин маалымат катчысы Эрбол Султанбаев билдирди.
«Чек ара маселесин карап жаткан Жогорку Кеңештин комитетинин жыйыны бардык каалоочулар үчүн ачык өтүүдө. Ага коомчулуктун өкүлдөрү — эксперттер, коомдук ишмерлер катышууда. Жалпыга маалымдоо каражаттарынын өкүлдөрү үчүн дагы чектөө жок. Бирок, каралып жаткан маселелердин өзгөчөлүгүн эске алуу менен видеого тартууга болбойт. Кечээ, тийиштүү органдардын жетекчилери президентке жыйынды ушундай форматта өткөрүү максаттуу экенин билдиришти»,— деп берилет билдирүүдө.
Бүгүн, 10-октябрда Жогорку Кеңештин комитет жыйыны өтүп, чек ара маселеси каралып жатат.
