Кечээ, 23-августта Бишкек-Ош унаа жолунун 201 чакырымында, тактап айтканда Суусамыр өрөөнүндө Honda Stepwgn менен Volvo үлгүлөрүндөгү унаалардын катышуусунда үрөй учурган жол кырсыгы катталды.
Кырсыктын кесепетинен 9 адам каза болду. Бул тууралуу ӨКМнын басма сөз кызматынан билдиришти. Кырсыктын кесепетинен 6 аял, 2 эркек жана 1 жаш бала каза болуп, 1 эркек киши жабыркаган.
Учурда алардын аты-жөндөрү такталууда. Жерине ӨКМнын КДМБнын 154-чакырымында нөөмөттө турган 5 куткаруучу 5 тартылып, каза болгон адамдардын жансыз денелерин унаадан чыгарып, ИИМдин кызматкерлерине өткөрүп беришкен. Ал эми жабыркаган адамга «Тез жардам» кызматы тарабынан жардам көрсөтүлгөн.