Сузак районунда азык-түлүк жарманкеси өтүп жатат. Бул тууралуу өкмөттүн Жалал-Абаддагы өкүлгүлүгү билдирди.
Маалыматка ылайык, бүгүн, 26-февралда район борборундагы аянтта өтүүчү жума базарынын бир бөлүгүнө азык-түлүк жарманкеси уюштурулган.
Анда басымдуу жергиликтүү дыйкандар өздөрү өндүргөн продукцияларын алып чыгышкан. Каалоочулар аталган жайдан салыштырмалуу арзандатылган баада азык-түлүктөрдү сатып алса болот.
Ушундай эле жарманке 28-февралдан тартып саат 10:00-16:00гө чейин ар аптанын жекшемби күндөрү Таш-Көмүр шаарынын маданият үйүнүн алдында (ДК), ал эми бейшемби күндөрү Шамалды-Сай шаарчасынын Ленин көчөсү 30А аймактык башкармалыктын имаратынын жанында жайылат.
