Сузакта куурчак ойноп жаткан кыздын көзүнө кайчы сайылып калган. Бул тууралуу 7-каналга Жалал-Абад ОИИБден билдиришти.
Маалыматка караганда, 28-июль күнү болжол менен саат 22:30 чамасында Жалал-Абад областык жаш балдар ооруканасынын дарыгери тарабынын Сузак райондук ички иштер бөлүмүнө маалымат келип түшкөн.
Анда Сузак районунун Аскар-Ата айылынын тургуну 9 жаштагы Ш.Х. үйүндө куурчак ойноп, көйнөк кыркып жатып кокусунан оӊ көзүнө колундагы кайчы менен сайып алган. Натыйжада ал денесинен жараат алып Жалал-Абад областык жаш балдар ооруканасынын хирургия бөлүмүнө жаткырылган.
Аталган факты маалыматтардын электрондук каттоо журналына «кокустук» деп катталып, азыркы учурда териштирүү иштери жүрүп жатат.
