Сузакта 18-ноябрдан бери дайынсыз болуп жаткан 9 жаштагы Сумаянын жансыз денеси райондун Арал айылындагы сайдын жээгинен табылды. Бул тууралуу жергиликтүү тургундар билдирди.
Бирок милиция жаш кыздын денеси табылганын айтып анын өздүгүн тактаган жок. Ички иштер кызматкерлеринин оперлери сөөктү алып чыгып, экспертизага алып кетишти.
Белгилей кетсек, Сузакта 2012-жылы туулган Сумая Хосилжанова 18-ноябрь күнү үйүнөн мектепке кеткен боюнча кайтып келген эмес.
Аны издөөгө милиция кызматкерлери, 100дөй тургундар жана атчандар тартылган. Кечээ 26-ноябрда кыздын атасы аны табууга көмөк берүү үчүн Президентке жана УКМК төрагасына кайрылган.
