Ашуулар аркылуу түштүктү көздөй бара жаткан жеңил унаалардын дээрлик 80 пайызы жайкы дөңгөлөктөр менен жүргөндүгү аныкталды. Бул тууралуу Транспорт, архитектура, курулуш жана коммуникациялар министрлигинин басма сөз кызматы билдирди.
Кечээ, 5-ноябрда Төө-Ашуу, Ала-Бел, Көк-Бел, Өтмөк ашууларындагы жол кырсыктарын жана тыгындарды алдын алуу үчүн жайкы дөңгөлөктөрдү кышкы дөңгөлөккө алмаштыруу боюнча айдоочулар арасында түшүндүрүү иштери жүргүзүлгөн.
Маалым болгондой, саат 8.30дан 16.30га чейин Бишкек-Ош унаа жолунун Сосновкадагы постто унааларга мониторинг жүргүзүлгөн.
“Түндүк-түштүк багытында жалпысынан 321 унаа өткөнү белгилүү болду. Анын 59у жүк ташуучу унаа, 28и жайкы, 31и кышкы дөңгөлөктүү. 262 жеңил унаанын 207си жайкы, 55и кышкы дөңгөлөктүү”, — деп берилет маалыматта.