Түндүк–түштүк альтернативдик унаа жолунун 239–243-чакырымында тоо боорунан кулаган таштар тазаланды. Бул тууралуу Транспорт жана коммуникациялар министрлиги билдирди.
Маалыматка ылайык, бүгүн эртең менен саат 09:00дөр чамасында таштар кулаган маалымат катталган. Окуя болгон жерге №24 Жол эксплуатациялоо мекемесинин кызматкерлери барып, атайын техникалардын жардамы менен тазалоо иштерин жүргүзүштү.
Учурда жол каттамы толук ачык.
Министрлик айдоочуларды бул тилкеде этият болуп, жол белгилерин жана кызматкерлердин көрсөтмөлөрүн так сактоого чакырды.
