Ысык-Көлдүн Түп районунда Subaru Legacy В4 үлгүсүндөгү унаанын айдоочусу рулга ээ боло албай жол кырсыгына кабылып, эки киши көз жумду. Бул тууралуу ӨКМнын басма сөз кызматы билдирди.
Маалыматка ылайык, түнкү саат 01:00дөр чамасында Балыкчы — Ананьево — Каракол унаа жолунун 187-чакырымында болгон. Кырсыктын кесепетинен каза болгон 29 жана 19 жаштагы эркек кишилердин сөөгүн куткаруучулар милиция кызматкерлерине өткөрүп беришкен. Мындан сырткары, 19 жаштагы дагы бир бала жаракат алып, Тез жардам аркылуу ооруканага жеткирилген.
Айдоочу бактарды аралап кеткенин жана унаа катуу талкаланып, экиге бөлүнүп кеткенин байкоого болот.
