Бакыт Төрөбаев акимдер менен айыл өкмөттөрдү сынга алды. Ал, бул парламенттик башкаруунун жыйынтыгы экенин билдирди.
«2016-жылы Атамбаев Конституцияны өзгөртүп жатканда биз каршы чыкканбыз. Жанар ошондо макулдугун берген. Эмне үчүн? Булар негизи жаратман адамдар эмес, булар кыйратуучу, жок кылуучу системадагы адамдар. Мына 30 жылдан бери эмне болдук? Бүгүнкү күндө бийликтин иши эмне болуп жатат? 10 жыл иштедик ушулар жазган Конституциянын негизинде. Айыл өкмөттүн башчысы өкмөттүн буйруктарын билбейт, эмне жасаарын, кандай буйруктун негизинде иштешти билбейт. Акимдер отурат эмне кылышты билбей. Депутаттар туура айтат лентаны кесип коюп эле жүрөт деп. Укуктары жок. Жоопкерчиликтери жок. Биз башаламандык менен жүрөбүзбү же 80 пайыз добуш берген элибизди урматтайбызбы?», — дейт ал.