Мугалимдердин эмгек өргүүсүнө 9 млрд сом каражат жумшалат. Бул тууралуу Жогорку Кеңештин төрагасы Нурланбек Шакиев парламенттин жыйынында билдирди.
«Курулуп жаткан социалдык объектилер боюнча бир топ кайрылуулардын негизинде Министрлер кабинетинин төрагасы Акылбек Жапаровго жолуктум. Маалымат ирээтинде айтып коёюн. Өзүңүздөр билгендей майдын аягы болуп мугалимдер эмгек өргүүсүнө чыгышат. Республика боюнча мугалимдердин эмгек өргүүсүн төлөгөнгө 9 млрд сом каражат кеткендиктен, учурда бардык каражат аларга топтолуп жатыптыр. Ушул жумадан баштап мектептерге жана ооруканаларга болгон каржылоо маселеси өзүнүн графиги менен төлөнүп баштайт деди»- дейт төрага.