Сөз эркиндигин коргойм жана сактоого аракет кылам бирок, жоопкерчиликсиздик мамиле жазаланышы керек. Бул тууралуу Жогорку Кеңештин бүгүнкү жыйынында төрага Нурланбек Шакиев билдирди.
«Болуп жаткан сөз эркиндигине карата куугунтук же кысым дегенге мен кошулбайм. Бардык нерсенин чеги болот, биринчи орунда жоопкерчилик болушу керек. Кайсыл бир сырттан каржыланган уюмдардан, өлкөнүн бүгүнкү стабилдүүлүгүнө, экономикалык көрүнүштөргө терс таасирин тийгизбей койбойт. Бизде сөз эркиндиги бар, ким каалаганын айта алат бирок, өлкөнүн туруктуулугуна доо кетирбөө керек, ээн ооздуктун да чеги болот»,- деди Шакиев.
