7-канал. Жаңылыктар — Кыргызстан

Жаңылыктар — Кыргызстан

Сортировка новостей по дате

Март 2024
Пн Вт Ср Чт Пт Сб Вс
 123
45678910
11121314151617
18192021222324
25262728293031
  • social_icon
  • social_icon
  • social_icon
  • social_icon

Түркиядагы жер титирөө. Казакбаев чогулган акча каражаттарын тапшырды

200

Кыргызстандын Түркиядагы элчиси Руслан Казакбаев өлкөнүн Апаат жана чукул абалдарды башкаруу башкармалыгы (AFAD) башчысы Окай Мемиш менен жолугушту. Бул тууралуу ТИМден билдиришти.

Анын алкагында Түркиянын түштүк-чыгышында 2023-жылдын февралында болгон жер титирөөдөн жапа чеккендерге материалдык жардам көрсөтүү максатында элчилик тарабынан демилгеленген кайрымдуулук акциясынын алкагында чогулган акча каражаттарын тапшыруу аземи өттү. Өз кезегинде башкармалыктын башчысы Окай Мемиш кыргыз тарапка жер титирөөлөрдүн кесепеттерин жоюуда ыкчам жардам көрсөткөндүгү, тактап айтканда, куткаруучулар тобун жана мобилдүү оорукананы жөнөткөндүгү, гуманитардык жана каржылык жардам көрсөткөндүгү үчүн ыраазычылык билдирди.

Ал ошондой эле Кыргызстандын президенти Садыр Жапаровго жер титирөөнүн кесепеттерин жоюуда көрсөткөн жеке көңүл буруусу жана колдоосу үчүн ыраазычылык билдирди.

«Элчилик каржылык жардамды чогултууда активдүү колдоо көрсөткөндүгү үчүн бардыгына ыраазычылык билдирет. Чогулган бардык каражаттар Түркиянын Апаат жана чукул абалдарды башкаруу башкармалыгынын эсебине которулду», — деп айтылат маалымата.

Эскерте кетсек, ушул жылдын 6-февралында таңга жуук Түркия жана Сириянын аймагында очогунда 7,8 баллга жеткен катуу жер титирөө катталып, бир нече шаар кыйраган. Кийин жер титирөө дагы кайталанып, анын күчү очогунда 7,6 баллга жеткен. Көп сандагы адамдар набыт болду.

201