Кыргызстандын Түркиядагы өкүлчүлүктөрү жер титирөөдөн жабыркаган аймактардан Кыргыз Республикасынын жарандарын эвакуациялоо боюнча иштерди улантууда.

1. Казакстан Республикасынын учагы менен Газиантеп шаарынан Кыргызстандын 22 жараны, анын ичинде 1 жаш бала эвакуацияланды.
2. 8 жаран Хатай шаарынан чыгарылды;
3. 12 жаран, анын ичинде 2 бала Анкарага жөнөтүлүп, аларды диаспора өкүлдөрү тосуп алып, үйлөрүнө жайгаштырышты;
4. Өзбекстан Республикасынын атайын учагы менен Ташкент шаарына жарандарды эвакуациялоо иштери иштелип чыкты. Кыргыз Республикасынын 6 жаранын жөнөтүү пландалууда.
5. Кыргыз Республикасынын Элчилигинин жана Анталия менен Стамбул шаарларындагы Башкы консулдуктарынын дипломаттары тарабынан кырсык болгон аймактагы Кыргызстандын жарандарына жылуу кийим-кече, жууркан-төшөк, суу жана тамак-аш менен жардам көрсөтүү боюнча чаралар көрүлүүдө.

Белгилей кетсек, саат 09:00гө карата (жергиликтүү убакыт боюнча) Түркияда жер титирөөдөн каза болгондордун саны 12391 кишиге жетип, 62914 киши жаракат алды. ТИМдин маалыматына ылайык, Кыргыз Республикасынын жарандарынын арасында каза болгондор жок.