Түркиянын Президенти Режеп Тайип Эрдоган «COVID-19» вирусуна каршы эмдөөдөн өттү. Бул тууралуу маалыматты ал өзү Telegram-каналында билдирди.
Маалыматка ылайык, эмдөө Анкара шаардык ооруканасында өткөн. Бирок кайсы дары пайдаланылганы так айтылган эмес.
Мурдараак Түркиянын саламаттыкты сактоо министри Фахреттин Кожа Кытайдын «СoronaVaс» дарысы менен эмделгенден кийин Түркияда эмдөө жараяны башталган болчу.
Маалым болгондой, Анкара тарап «СoronaVaс» дарысынан башка «Pfizer» жана «BioNTech» дарыларын сатып алууну пландап жатат.
