Бүгүн, Ош шаарынын мэри Жеңишбек Токторбаев тиешелүү мекеме-ишканалардын жетекчилери менен биргеликте Сулайман-Тоо аймактык башкармалыгына караштуу Алымбек датка көчөсүндө кезектеги таңкы рейд өткөрдү. Бул тууралуу мэриядан билдиришти.
Белгилүү болгондой, шаар мэри борбордук аянтты көрктөндүрүү жана жашылдандыруу иштерин күчөтүү зарылдыгын белгилеп, жаңы курулуп жаткан имаратка ылайык анын айланасын иретке келтирүү керектигин билдирген.
Ошондой эле шаардын негизги Алымбек датка, Курманжан датка жана А.Масалиев көчөлөрүнүн инфратүзүмү этап-этабы менен оңдолорун белгилеп өттү.
Кыдыруунун алкагында Алымбек датка көчөсүндө жүргүзүлүп жаткан иригациялык лотокторду орнотуу иштери менен таанышып, тиешелүү кызматтарга жарандарга ыңгайсыздык жаратпай, жумуштарды мүмкүн болушунча эртерээк жана сапаттуу бүтүрүү боюнча тапшырмаларды берди.
