Талас областтык прокуратурасы тарабынан көрүлгөн чаралардын негизинде 144 млн 172 миң 800 сомго бааланган жер тилкеси мамлекеттик менчикке кайтарылды. Бул тууралуу Башкы прокуратурадан билдирет.
Жүргүзүлгөн текшерүүдө 2009-жылы Талас шаардык мэриясынын токтому менен борбордук базарынын ичинен 1,3 га жер тилкеси “Т.А.К.” ЖЧКнын менчигине мыйзамсыз чыгарылгандыгы аныкталып, укук белгилөөчү документтерди жокко чыгаруу жөнүндө сотко доо арыз келтирилип, соттук инстанциялардын актылары менен канааттандырылган.
Прокуратура органдары тарабынан мыйзамсыз менчиктештирилген мүлктөрдү мамлекеттин балансына кайтаруу боюнча иштер улантылууда.
