Талас районунда Соцфонддун башчысы пара берүү фактысы боюнча кармалды. Бул тууралуу УКМКнын басма сөз кызматы билдирди.
Маалыматка ылайык, 2021-жылдын 11-январында УКМК тарабынан Кыргыз Республикасынын Социалдык фондунун Талас райондук бөлүмүнүн башчысы Ы.И.С. кармалды.
«Талас ОИИБдин кызматкерлери тарабынан иш сапар чыгымдарына бөлүнгөн бюджеттик каражаттарды бөлүштүрүү фактысы боюнча Кылмыштардын жана жоруктардын бирдиктүү реестрине катталган сотко чейинки өндүрүштү токтотуу үчүн Ы.И.С. УКМКнын кызматкерине 70 миң сом өлчөмүндө накталай акча сунуш кылган.Кармалган адам Талас облусунун Ички иштер башкармалыгынын убактылуу кармоочу жайына киргизилген. Учурда тергөө иштери жүрүп жатат», — деп берилет маалыматта.
