Таласта дайынсыз болуп жаткан жарандын унаасы суудан табылды. Бул тууралуу ӨКМден билдиришти.
Маалыматка ылайык, Талас облусунун Кара-Буура районудагы Ак-Башат айылынын 60 жаштагы А.А. аттуу тургуну 24-сентябрда мал базарга кеткен бойдон дайынсыз болгон.
Ал эми 26-сентябрда аталган жарандын «Ауди-80» үлгүсүндөгү унаасы Көк-Дөбө айылынан өткөн Чоң-Талас каналына түшүп кеткендиги тууралуу маалымат «112» кызматына түшкөн.
«Жерине 4 куткаруучу, туугандарынан 30 адам тартылып, жеке менчик крандын жардамында унааны чыгарышты. Унаада адам жок жана айнектери ачык болгондугуна байланыштуу издөө иштери жүргүзүлүп, кеч киргендигине байланыштуу убактылуу токтотулду. Жоголгон адамды издөө бүгүн, 27-сентябрь күнү уланат»,- деп берилет билдирүүдө.
