Талас облусундагы Киров суу сактагычына гидроэлектрстанция куруу пландалууда. Бул тууралуу энергетика жана өнөр жай министрлигинен билдиришти.
Учурда ГЭС курула турган аймакта геодезиялык жумуштар жүргүзүлүүдө. Энергетика жана өнөр жай министри Доскул Бекмурзаев ГЭСтин кубаттуулугу 30 мегаватт болот. Анын иши сугат суу системасына эч кандай таасирин тийгизбейт.
ГЭСтин курулушуна 22 млн доллар кетери болжолдонууда.
Эске салсак, Киров суу сактагычынын курулушу 1965-жылы башталып, 1975-жылы аяктаган. Анда топтолгон сууну сугат иштери үчүн Талас облусунун тургундары жана коңшу Казакстан колдонуп келген.
