Талибан (Орусияда жана башка өлкөлөрдө тыюу салынган топ) Афганистандагы 20 жылдык согуштун аяктаганын жарыялады. Бул тууралуу талибдердин өкүлү Мухаммед Наим “Аль-Жазира” каналына берген маегинде билдирди.
Маалыматка ылайык, Афганистанды башкаруу жолдору жакынкы убакытта белгилүү болот.
«Өлкөбүздүн эркиндиги жана элибиздин көз карандысыздыгына жеттик. Биздин жерди кимдир бирөөгө кол салуу үчүн колдонууга жол бербейбиз жана башкаларга зыян келтирүүнү каалабайбыз. Биз афгандыктардын бардыгы менен сүйлөшү жүргүзүүгө жана аларды коргоого кепилдик беребиз. Биз ар бир кадамыбызга жоопкерчилик менен карайбыз жана тынчтыкты камсыз кылуу үчүн зарыл болгон бардык нерсени жасайбыз», — деди ал.
Кабарчылардын маалыматы боюнча, «Талибандын» куралчан согушкерлери полициянын, афган өкмөтүнүн автоунаалары менен көчөлөрдө көзөмөл жүргүзүп жатат. Ал эми «Талибандын» өкүлү Кабулда абал тынч экенин, талибдер коопсуздукту камсыздап жатканын айткан.
