Эксперт Гүлнура Төралиева соцтармактагы баракчасына Тажикстандын кол салуусунда танктын экипажын куткарган аскер денесинен 40 пайыз күйүк алганын жазып, «Кыргызстандын баатыры» сыйлыгына татыктуу экенин билдирген.
«Рысбек Шайыпов былтыр танк биатлону боюнча дүйнөнүн чемпиону болгон. Өзүнүн каалоосу менен Баткендеги чек араны коргоого барган.
Тажикстандын кол салуусунан өз өмүрүн тобокелге салып, танктын экипажын сактап калган. Миналардан куткарам деп, денеси 40% күйүк алып, бети, колу жана буттары күйгөн. Учурда дарыланып жатат, ага жакында операция жасалат. Бүгүн мен ага дары-дармек, кийим-кече алып келдим»,-деп жазган.
Медиа эксперт жогорудагы аскердин эрдиги «Кыргызстандын баатыры» сыйлыгына татыктуу экенин белгилеген.
https://www.facebook.com/gulnura.toralieva/posts/10160261422653834
