Оштун Кара-Кулжа районундагы «Тар» дарыясына Hyundai Porter автоунаасы менен бараткан беш киши түшүп кеткен. Бул тууралуу ӨКМнын басма сөз кызматы билдирди.
Маалыматка ылайык, айдоочу Көңдүк айылындагы «Асыран бий» көпүрөсүнөн өтүп баратып рулга ээ боло албай сууга кулаган. Экөө куткарылып, үчөө изделип жатат.
«Жергиликтүү тургундар 41 жаштагы айдоочу менен 13 жаштагы өспүрүмдү куткарып калышкан. Ал эми 37, 28 жаштагы эки киши жана төрт жашар наристе дайынсыз болууда»,-деп берилет маалыматта.
Белгилей кетсек, окуя болгон жерге беш куткаруучу тартылып, издөө иштери уланып жатат.
