УКМКнын төрагасы Камчыбек Ташиев социалдык тармактагы баракчасына учкучсуз учуучу аппараттарынын «Акынжы» деп аталган түрүнүн жанына түшкөн сүрөтүн жарыялады.
«Акынжы» биздики! Боордош элибизге ыраазычылык!»,-деген ал.
Азырынча учкучсуз учуучу аппарат Кыргызстанга кандай жол менен таандык болуп жатканы тууралуу маалымат бериле элек.
«Акынжы» деп аталган учкучу жок учуучу аппараттардын жаңы үлгүсү болуп саналат. Акынжы сокку уруучу дрон. Ал украиналык АИ-450S турбовинттик кыймылдаткычы менен жабдылган, анын жерге биринчи жолу учуруусу 2019-жылдын августунда болгон.
Маалым болгондой, былтыркы сыноолордо “Байрактар Акынжы” 11,6 чакырым бийиктикке чыккан.
Акынжынын жүк көтөрүмдүүлүгү 1350 кг, анын ичинде 400 кг ички жана 950 кг тышкы жүк. Эки турбовинттүү кыймылдаткычтар, ар биринин кубаттуулугу 450 л.с., максималдуу учуу салмагы 5,5 тоннаны түзөт.
Акынжы абадан учурулган канаттуу ракеталарды учура ала турган алгачкы учкучсуз учак болот. Татаал аба ырайына туруштук бере алат.
