10-июль саат 10.00 карата Баткен облусунун кыргыз-тажик мамлекеттик чек ара аймагындагы кырдаал туруктуу. Бул тууралуу УКМКнын Чек ара кызматынин маалымат кызматы маалымдайт.
Кечээ 2021-жылдын 9-июлу Кыргызстан менен Тажикстандын чек ара өкүлдөрүнүн сүйлөшүүлөрүнүн жыйынтыгында Чек ара кызматынын аскер кызматкери прапорщик З.Умаров кыргыз тарапка өткөрүлүп берилди.
Бүгүн 2021-жылдын 10-июлу саат 00.55 Кыргызстандын чек ара өкүлү жана прапорщик З.Умаров Кыргызстанга «Кайрагач-авто жол» көзөмөл өткөрүү жайы аркылуу келишти. Чек арачынын ден-соолугу канаатандырарлык деп бааланууда.
Эскертип кетсек: 2021-жылдын 8-июлу КР УКМК Чек ара кызматынын чек ара кезмети кыргыз-тажик мамлекеттик чек ара аймагындагы Чашмагильдан ашуусуна жакын жерден Тажикстандын чек арачылары тарабынан күтүүсүздөн кол салууга кабылышкан, аскер кызматкерлердин ортосунда ок атышуу орун алган.