АКШнын Техас штатында 18 жаштагы Сальвадор Рамос аттуу жигит башталгыч мектепке кирип, 18 окуучу менен мугалимди атып өлтүрдү. Бул тууралуу чет элдик басылмалар жазышууда.
Маалыматка караганда, шектүү окуяга чейин апасын дагы аткан. Андан соң мектепке автомат менен кирип барган.
Ок атуудан 15 адам жана эки полиция кызматкери жаракат алган. Ал эми шектүү ок атышуу учурунда өлтүрүлгөн.
Учурда жарадар болгондор ооруканага жаткырылган.
Белгилей кетсек, окуя “Робб” мектебинде болгон, ал жерде 7-10 жаштагы балдар билим алышат.