Ош шаардык сотунаТилек, Исламбек, Руслан Матраимовдор жеткирилди. Бул тууралуу жергиликтүү ЖМКлар жазышты.
Маалыматка ылайык, бир туугандардын бөгөт чарасы учурда Ош шаардык сотунда каралып жатат.
25-мартта эл аралык издөөдө жүргөн Райымбек Матраимовду жана аны менен бирге бир туугандары Тилек Матраимов, Руслан Матраимов, Исламбек Матраимовду УКМК тиешелүү атайын кызматтар менен биргеликте Азербайжандын аймагынан Бишкекке алып келген.
Бишкектин Биринчи май райондук соту Матраимовду тергөө аяктаганча 26-апрелге чейин камакка алды.
Матраимов Кылмыш-жаза кодексинин 169-беренеси (адамды эркиндигинен мыйзамсыз ажыратуу) жана 222-берене (кылмыштуу кирешелерди адалдоо) боюнча шектелүүдө.
