Бүгүн, 14-апрелде Тышкы иштер министрлигинде министрдин орун басары Алмаз Имангазиев Россиянын элчиси Сергей Вакунов менен жолукту.
Жолугушуу 11-апрелде Москва шаарындагы «Бодрость» мончо комплексинде Кыргызстандын жарандарын массалык түрдө кармоого байланыштуу уюштурулган.
ТИМ Россия тарапка укук коргоо органдары тарабынан жүргүзүлгөн операциянын, ошондой эле жарандарга карата күч колдонуунун негиздери боюнча маалымат берүү жана эгерде күч колдонуу негизсиз болсо, бул окуя боюнча Москванын укук коргоо органдарынын өкүлдөрүнө карата тиешелүү чараларды көрүү өтүнүчү менен расмий нота берди.
Кыргызстандын жарандарынын укуктарын коргоо боюнча натыйжалуу чараларды көрүү жана келечекте кыргыз-орус союздаштык жана стратегиялык өнөктөштүк мамилелерине доо кетире турган ушул сыяктуу жагдайларга жол бербөө өтүнүчү айтылды.
