Казакстандын президенти Касым-Жоомарт Токаев кече, 6-апрель Караганды фармацевтикалык заводунан чыккан коронавируска каршы “Спутник V” вакцинасын алды. Бул тууралуу өлкө башчысынын пресс-катчысы Берик Уалиге “Tengrinews.kz” маалыматтык агенттигине кабарлаган.
Маалыматка ылайык, процедурадан кийин Президенттин ден соолугунда эч кандай өзгөрүү байкалган эмес, абалы жакшы.
“Мамлекет башчысы бардык жарандарды тез арада эмдөөгө чакырат. Бул өзүңдү жана жакындарыңды коргоонун бирден-бир жолу”- деп билдирет Берик Уали.
Эске салсак, Токаев 26-январда Казакстандын Караганды облусунан чыгарылып жаткан вакцина сыноодон ийгиликтүү өтсө, Ата-Мекендик вакцинаны алууга убада берген болчу.
Караганды фармацевтикалык заводу 2020-жылдын декабрь айынан тартып Россиянын “Спутник V” вакцинасын чыгарып баштаган. Ага февраль айында өлкө бюджетинен 15 млрд теңге бөлүнгөн. Бул 2 млн доза вакцина чыгарууга пландалган.